बुद्धिस्ट पर्यटन वार्षिक महोत्सवात मान्यवरांची सहभागी; आमदार राजकुमार बडोले यांचा सत्कार

गोंदिया 

गोंदिया जिल्ह्यातील लुंबिनी वन परिसर, जिरुटोला व कोरनीघाट पर्यटन बुद्धिस्ट समितीच्या संयुक्त विद्यमाने “बुद्ध पूजा व प्रबोधन कार्यक्रम” आयोजित करण्यात आला. या वार्षिक बुद्धिस्ट पर्यटन महोत्सवात विविध मान्यवर, धर्मप्रेमी आणि स्थानिक नेते उपस्थित होते. कार्यक्रमाच्या निमित्ताने बुद्ध पूजा, धम्मचर्चा, तसेच समाजप्रबोधनावर भर देण्यात आला. 

मान्यवरांची उपस्थिती 
कार्यक्रमात भंते भदंत धम्मरक्षित यांनी बुद्ध धम्माचे उपदेश देत सांस्कृतिक एकात्मतेचे महत्त्व रेखांकित केले. श्री. आनंदजी खोब्रागडे (आंबेडकरी विचारवंत, बालाघाट), डॉ. अविनाशजी काशीवार (कृ.उ.बा.स. सभापती, सडक अर्जुनी), तसेच स्थानिक स्वराज्य संस्थांचे प्रतिनिधी म्हणून श्री. तपेशजी सोनवने (सरपंच, जिरुटोला), श्री. हसनलालजी ठाकरे (सरपंच, कोरणी), श्री. मिथुनजी टेंभुर्णे, श्री. भुपेंद्रजी बुढेकर (सरपंच, रजेगांव), सौ. सरिताताई कावरे (सरपंच, धामणगाव), श्री. संदीपजी तुरकर (सरपंच, सतोना), आणि श्री. भुपेशजी बागडे (पोलीस पाटील, सतोना) यांनी सहभागी होऊन कार्यक्रमाला गौरव प्राप्त केला. 

आमदार बडोले यांना सत्कार
विशेष म्हणजे, प्रमुख पाहुणे म्हणून आमदार राजकुमार बडोले यांचे पारंपरिक पद्धतीने स्वागत करण्यात आले. त्यांनी उपस्थित बुद्ध उपासक आणि उपासिकांना संबोधित करताना “बौद्ध धम्म हा समता, बंधुता आणि शांततेचा संदेश देणारा धर्म आहे. अशा कार्यक्रमांद्वारे समाजातील सर्व वर्गांचे एकीकरण होते,” असे विचार मांडले. त्यांनी लुंबिनी परिसरासारख्या बौद्ध तीर्थक्षेत्रांच्या विकासासाठी स्थानिक प्रशासनाशी सहकार्याची हमी दिली. 

प्रबोधन व सांस्कृतिक कार्यक्रम 
महोत्सवात धम्मचर्चा, सामुदायिक प्रार्थना, तसेच बौद्ध तत्त्वज्ञानावर आधारित प्रबोधन सत्रे आयोजित करण्यात आली. स्थानिक कलाकारांनी बुद्धांच्या जीवनावर आधारित नाट्यप्रयोग आणि सांस्कृतिक कार्यक्रम सादर केले. 

हे महोत्सव बौद्ध परंपरा आणि आधुनिक समाजप्रबोधन यांचा सुंदर मेळ घालताना दिसले. सहभागींनी अशा कार्यक्रमांची नियमित आयोजने करून लुंबिनीला राष्ट्रीय स्तरावर बौद्ध पर्यटनाचे केंद्र बनवण्याची मागणी केली. सर्वांनी मिळून समारोपात “बुद्धं शरणं गच्छामी”चा जप केला.