अर्जुनी मोर.
महात्मा गांधी राष्ट्रीय ग्रामीण रोजगार हमी योजनेची आढावा बैठक अर्जुनी-मोर येथे संपन्न
अर्जुनी-मोर, ०९ जानेवारी २०२५: पंचायत समिती सभागृहात महात्मा गांधी राष्ट्रीय ग्रामीण रोजगार हमी योजनेच्या (MGNREGA) आढावा बैठकीचे आयोजन करण्यात आले. बैठकीत योजनेअंतर्गत सुरू असलेल्या आणि प्रलंबित कामांचा आढावा घेऊन योजनेंतर्गत प्रत्येक हाताला काम देण्याचे उद्दिष्ट आणि ग्रामविकासाचा मार्ग मोकळा करण्यावर भर देण्यात आला.
बैठकीदरम्यान रोजगार हमी योजनेच्या अंमलबजावणीसंदर्भात येणाऱ्या स्थानिक पातळीवरील अडचणींवर चर्चा करण्यात आली. योजनेच्या प्रभावी अंमलबजावणीसाठी अधिकाऱ्यांना निर्देश दिले गेले आणि प्रलंबित कामे वेळेत पूर्ण करून गावांमध्ये रोजगाराच्या संधी निर्माण करण्यासाठी मार्गदर्शन करण्यात आले. योजनेच्या यशस्वी अंमलबजावणीसाठी एकत्रित प्रयत्न करण्याचे आवाहन देखील करण्यात आले.
प्रमुख उपस्थिती:
या बैठकीत अनेक मान्यवरांनी सहभाग घेतला. त्यामध्ये जिल्हा परिषद उपाध्यक्ष श्री. यशवंतजी गणवीर, पंचायत समिती सभापती सविताताई कोडापे, उपसभापती होमराजजी पुस्तोडे यांच्यासह जिल्हा परिषद सदस्य लायकरामजी भेंडारकर, रचनाताई गहाणे, कविताताई कापगते, तालुकाध्यक्ष लोकपालजी गहाणे आणि पंचायत समिती सदस्य डॉ. नाजुकजी कुंभरे, नुतनलालजी सोनवाने, संदिपजी कापगते, प्रमोदजी लांडगे, घनशामजी धामट, फुलचंदजी बागडे, आम्रपालीताई डोंगरवार, भाग्यश्रीताई सय्याम, कुंदाताई लोगडे, शालिनीताई डोंगरवार, पुष्पलताताई दुग्रकर, चंद्रकलाताई ठवरे यांचा समावेश होता.
तसेच संरपंच संघटना तालुकाध्यक्ष भोजराजजी लोगडे, नंदकिशोरजी गहाणे, दादा संग्रामेजी, किशोरजी ब्राम्हणकर, परागजी कापगते आणि विविध विभागांचे अधिकारी उपस्थित होते.
बैठकीतील मुद्दे:
बैठकीत उपस्थितांनी रोजगार हमी योजनेच्या माध्यमातून गावांमध्ये रोजगार उपलब्ध करून देण्याच्या संधींवर भर दिला. प्रलंबित प्रकल्पांना गती देऊन वेळेत पूर्ण करण्याचे निर्देश देण्यात आले. ग्रामविकासाला चालना देण्यासाठी योजनेची अंमलबजावणी प्रभावीपणे करणे, स्थानिक लोकांचा सहभाग वाढवणे, आणि योजनांचे फायदे शेवटच्या घटकांपर्यंत पोहोचवणे यावर चर्चा झाली.
माजी मंत्री राजकुमार बडोले यांचा पुढाकार:
बैठकीला मार्गदर्शन करताना माजी मंत्री आणि विद्यमान आमदार राजकुमार बडोले यांनी रोजगार हमी योजनेच्या माध्यमातून ग्रामीण भागात विकासाची गती वाढवण्याच्या दृष्टीने ठोस पावले उचलण्याचा निर्धार व्यक्त केला. गावांमध्ये रोजगार निर्माण करून स्थानिक स्तरावर स्वावलंबनाचे ध्येय गाठणे हा योजनेचा मुख्य उद्देश असल्याचे त्यांनी सांगितले.
ही बैठक ग्रामविकासासाठी महत्त्वाची ठरली असून, रोजगार हमी योजनेच्या अंमलबजावणीतून ग्रामीण भागातील बेरोजगारी कमी करण्याबरोबरच गावांचा सर्वांगीण विकास साधला जाईल, अशी अपेक्षा व्यक्त करण्यात आली.
