दिनांक १० नोव्हेंबर २०२४: अर्जुनी/मोर. विधानसभा मतदारसंघातील महायुतीचे उमेदवार राजकुमार बडोले यांनी आपल्या प्रचार दौऱ्यात शेतकऱ्यांच्या बांधावर भेट देऊन मतदारांना आव्हान केले. या दौऱ्यात राजकुमार बडोले यांनी जांभळी व अर्जुणी मोर या गावांमध्ये स्थानिक शेतकऱ्यांशी संवाद साधला आणि त्यांना आगामी निवडणुकीत महायुतीला प्रथम क्रमांकाची बटन दाबून घडयाळ चिन्हावर मतदान करण्याचे आवाहन केले.
राजकुमार बडोले यांनी आपल्या भाषणात, “आपल्या क्षेत्रातील सर्व शेतकऱ्यांना योग्य व गुणवत्तापूर्ण सेवेसाठी महायुतीचा विजयी होणे आवश्यक आहे. घडयाळ चिन्हावर आपले मत दिल्याने आपल्याला विकासाच्या दिशा मिळतील,” असे सांगितले.
ते पुढे म्हणाले, “महायुतीचे सरकार शेतकऱ्यांच्या हितासाठी कटीबद्ध आहे. याचाच भाग म्हणून, आम्ही शेतकऱ्यांच्या फायद्यासाठी अनेक योजनांची अंमलबजावणी करणार आहोत. लोकांना त्यांच्या हक्कांची ग्वाही दिली जाईल.”
या प्रचार दौऱ्यादरम्यान, राजकुमार बडोले यांनी शेतकऱ्यांच्या विविध समस्यांवर लक्ष केंद्रीत केले. ते म्हणाले की, “आपल्या शेतकऱ्यांना योग्य किंमत मिळवून देण्यासाठी, विविध कृषी योजनेत सुधारणा करण्यावर आम्ही ठाम आहे.”
राजकुमार बडोले यांचा प्रचार दौरा शेतकऱ्यांमध्ये उत्साह निर्माण करणारा ठरला. यावेळी स्थानिक कार्यकर्त्यांसह अनेक महायुतीचे समर्थक उपस्थित होते.
