मुंडीपार येथे श्रीमद भागवत सप्ताहाचा भक्तिमय शुभारंभ

मुंडीपार (ता. गोरेगाव), १४ फेब्रुवारी: मुंडीपार येथे धार्मिक उत्साह आणि भक्तीमय वातावरणात श्रीमद भागवत सप्ताहाला आज शुभारंभ झाला. या मंगलप्रसंगी अनेक मान्यवरांच्या उपस्थितीत विधीवत पूजा, प्रवचन व भजनाच्या माध्यमातून या पवित्र सप्ताहाची सुरुवात करण्यात आली.

या कार्यक्रमास उपस्थित राहून आमदार राजकुमार बडोले यांनी भागवत सप्ताहाचा लाभ घेतला. आयोजक समितीने त्यांचा सत्कार करून सन्मानित केले. या सत्काराबद्दल आमदार बडोले यांनी मनःपूर्वक आभार व्यक्त केले व श्रीमद भागवत सप्ताहाच्या यशस्वी आयोजनासाठी शुभेच्छा दिल्या.

याप्रसंगी अनेक प्रतिष्ठित व्यक्ती उपस्थित होत्या. यामध्ये सडक अर्जुनी पंचायत समितीचे सभापती श्री. चेतनजी वळगाये, उपसभापती सौ. निशाताई काशीवार, माजी उपसभापती श्री. शालिंदरजी कापगते, माजी सरपंच श्री. सुमेंद्रजी धमगाये, श्री. राजाजी खान, श्री. विकासजी पशीने आणि श्री. घनशामजी चौधरी यांचा समावेश होता.

कार्यक्रमात प्रवचनकारांनी श्रीमद भागवत महापुराणाच्या महत्त्वावर प्रकाश टाकत भक्ती, श्रद्धा आणि सद्गुणांचा प्रचार केला. उपस्थित भाविकांनी भक्तिरसात न्हाल्याचा अनुभव घेतला. सप्ताहाच्या पुढील दिवसांतही विविध धार्मिक कार्यक्रम, भजन व प्रवचने होणार असून, मोठ्या संख्येने भाविकांनी सहभागी होण्याचे आवाहन आयोजकांनी केले आहे.

— राजकुमार बडोले
माजी मंत्री, सामाजिक न्याय व विशेष सहाय्य
आमदार, अर्जुनी मोरगाव विधानसभा